تدري وش اللي يذبح القلب ياقلب ؟؟

ياقلب جيتـك وافهـم العلـم ياقلـب
اللي تحبه يموت في حب غيـرك !!

كم قلتلك ياقلب خلـه علـى جنـب
يمكن مسيره ما يستوي مـع مسيـرك

الدرب واضح بس لا تجهـل الـدرب
اللـي يحبـك دايــمٍ يستشـيـرك

ماهو مثل صاحبك عايش على الكذب
وان ما كذب يمـوت الله يجيـرك !!

تبي الصراحه مالك ومـال هالقـرب
ماهو كفو شرواه يصبـح عشيـرك

انا ادري انه تـرف وصغيـر وذرب
لـــكن مصيره يختلف عن مصيـرك

لا تحسبـن السالفـه كلهـا لـعـب
اصحى معي من شان يصحى ضميرك

اللي تحبـه صعبـه شـوي ينحـب
قلـه يـروح وكـثـر الله خـيـرك

تدري وش اللي يذبح القلـب ياقلـب؟؟
انك تحب انسان ويحـب غيـرك؟ !!